O ovoj e-knjizi
हॉलीवुड आणि बॉलीवुड म्हणजे चित्रपटसृष्टीचे दोन आधारस्तंभ. गाजलेल्या कादंबरी किंवा नाटकावर आधारित चित्रपट निर्माण होणे तशी नवी गोष्ट नाही. या निर्मितीमागची गोष्ट सांगणारे विश्‍वास पाटील यांचे ललित लेख ’नॉट गॉन विथ द विंड’ या संठाहात समाविष्ट करण्यात आले आहेत. दीर्घकाळ लोकांच्या मनावर अधिराज्य गाजवणारे अजरामर चित्रपट आणि कादंबऱ्या यांचा अभ्यासपूर्ण आढावा विश्‍वास पाटील यांनी घेतला आहे. 1936 मध्ये मार्गारेट मिशेल यांनी लिहिलेली कादंबरी ’गॉन विथ द विंड’वर आधारित चित्रपटाने इतिहास घडवला. या कथेचा कादंबरी ते चित्रपट हा प्रवास विश्‍वास पाटील यांच्या ’नॉट गॉन विथ द विंड’ या पुस्तकात शब्दांकित केला आहे. ’गॉन विथ द विंड’पासून सुरू झालेला हा लेखनप्रवास ’क्राइम अँड बिग पनिशमेंट’ ’ऑथेल्लो’ ते ’अ‍ॅना कारनिना’ ’ऑल क्वाएट ऑन द वेस्टर्न फ्रंट’पासून ’देवदास’ ’पिंजरा’पासून ’लगान’वरून ’मुघल-ए-आझम’पर्यंत येऊन थांबतो.
या लेखांमध्ये कादंबरीसह कादंबरीकारांचे जीवन, संघर्ष, प्रेरणा याचीही चर्चा विश्‍वास पाटील करतात. चित्रपट कलाकारांचे ’ग्लॅमरस’ आयुष्य नेहमीच प्रेक्षकांना भुलवत असते. अशा कलाकारांच्या वैयक्तिक आयुष्यावर प्रकाश टाकण्याचे काम हे लेख करतात. शेक्सपिअर, लिओ टॉलस्टॉय, जॉन फोर्ड, दोस्तायव्हस्की, गार्बो, सोफिया लॉरेन, थॉमस हार्डी, शरत्चंद्र, डेव्हिड लीन, मार्लन ब्रँडो, स्टॅन्ले क्युबिक, रोमन पोलन्स्की, चार्ली चॅप्लिन, स्टीव्हन स्पीलबर्ग, मेहबूब खान, मधुबाला, के. असिफ, व्ही. शांताराम असे ’अवलिया’ या ललित लेखांमधून तुमच्याशी संवाद साधतील. हे ललित लेख चित्रपट आणि साहित्य रसिकांना चंदेरी दुनियेच्या अंतरंगाची सफर घडवतील!
