Skýrsla X - Spilliefnin

Starfsmaður sorpeyðingarstöðvar finnst látin í gámi. Kaldhæðnislegt, eða var þaggað niður í henni?

Skýrsla númer 50 úr málmkassa Madsen rannsóknarlögreglumanns vekur athygli Andrésar og Kalla. Berit, starfsmaður hjá sorpeyðingarstöðinni fannst látin í gámi fyrir aftan bar. Hún hafði verið lamin með þungu höggi aftan á höfuðið. Bekkur Andrésar og Kalla er að fara að heimsækja vinnustaðinn hennar. Ætli hú hafi vitað eitthvað sem endaði á að kosta hana lífið? Þeir nýta tækifærið og gera skólaferðalagið meira spennandi með því að rannsaka málið. Það sem átti að vera saklaus forvitni breyttist fljótt í eltingarleik þegar þeir falla niður í faldar neðanjarðarholur. Þar liggja stórhættuleg spilliefni sem einhver vill fela hvað sem það kostar. Ná þeir að plata morðingjann og sleppa lifandi? Eða munu þeir sjálfir enda sem spillefni?

Ef þú hefur gaman að skuggalegum lögreglumálum sem ungir rannsakendur reyna að glíma við líkt og í Alex Rider þá er Skýrlsa X serían frábær næsti kostur.

Skýrsla X

Hús rannsóknarlögreglumannsins Madsen brennur til kaldra kola. Í öskunni finnur strákurinn Andrés gamlan málmkassa. Þar er að finna fullt af gömlum skýrslum. Þetta eru óleyst mál sem Madsen hafði unnið að en nú er hann dáinn. Sögurnar í „Skýrsla X“ fjalla um Andrés og Kalla vin hans, sem ákveða að taka nokkrar af skýrslunum í sínar eigin hendur og reyna að rannsaka og leysa gömlu sakamálin.

Peter Grønlund (f. 1970) er höfundur sem sérhæfir sig í menningu undirheimanna og skuggahliðunum í dönsku samfélagi en hann hefur skrifað nokkrar þekktar og vinsælar bækur um þau málefni. Hann hefur meðal annars skrifað bækur um veggjakrot í Danmörku, ríkisfangelsið í Vridsløselille og ævisögu glæpamannsins Lonne.