Eldkrossinn

Hversu auðvelt er að hafa áhrif á heilt samfélag með áróðri? Er ótti öflugra vopn en byssur og sprengjur?

Ofsafengnar óeirðir brjótast út í Frakklandi. Menn með lambhúshettur herja á götur borganna og fara með logandi eldkrossa að gyðingum og innflytjendum. Grunur vaknar um byltingu í Evrópu, með ofstækisfulla og miskunnarlausa þjóðernissinna í broddi fylkingar. Morð, óvænt slys og pólitísk spenna ríkir víðs vegar um Evrópu. Dularfullur hópur kúgar vestræn stjórnvöld og hótar kjarnorkuárásum í stórborgum. Aðstoðarforstjóri bresku leyniþjónustunnar, Tweed, ásamt aðstoðarmönnum sínum Paulu og Bob, flækjast í málið. Þau þurfa að elta uppi og stöðva þessar grímuklæddu ógnir áður en þær geta hrundið af stað heimsendi. En hverjum er hægt að treysta í heimi sem er gegnsýrður af ótta?

Eldkrossin er full af óvæntum vendingum, spennandi eltingarleikjum og hættulegum aðstæðum. Bókin hentar vel þeim sem hafa gaman að spennusögum þar sem njósnir, samsæri og hraður söguþráður fléttast saman og heldur spennunni allt til loka.

Tweed & Co.

Taugatrekkjandi spennusagnir um breska leyniþjónustumanninn Tweed og teymið hans, Paula Gray og Bob Newman, sem takast á við mörg flókin og spennandi mál. Aðstæðurnar eru oft krefjandi og ein röng ákvörðun getur haft gríðarlegar afleiðingar.

Raymond Harold Sawkins (1923-2006), betur þekktur undir höfundarnafninu Colin Forbes, var breskur rithöfundur sem skrifaði spennusagnir. Hann þjónaði í síðari heimsstyrjöldinni og starfaði við bókaútgáfu áður en hann gerðist rithöfundur. Sem rithöfundur er Forbes sérstaklega þekktur fyrir metsölubækur sínar um bresku leyniþjónustuna. Hann heimsótti persónulega alla staðina sem hann lýsir í bókum sínum sem gerir verk hans mjög áreiðanleg.